ng kerk alkmaar

visie en waardes

Ons is 'n NG gemeente wat omgee vir God en sy woord, vir mekaar en vir die wêreld.

Hier is ons weeklikse bulletin (pdf)

Kyk hier vir preke en oordenkings

bedieninge

Ons het 'n geïntegreerde bediening waar ons aanbidding, gemeenskap van gelowiges, dissipelskap, diens en evangelisering hoog ag terwyl elke lidmaat sy/haar funksie vervul met die gawes en geleenthede wat die Heilige Gees gee.

waar is ons

Ons gemeente is geleë wes van Nelspruit (Mpumalanga) vanaf Cairn tot Ngodwana en Schoemanskloof, asook op die Sabie-pad tot by Brondal. (Sien ons foto-gallery vir 'n kaart of die aktiewe kaart).

visie en waardes

visie:
Ons is ‘n geloofsfamilie wat streef om al hoe meer vir God en sy woord, vir mekaar en vir die wêreld om te gee.

Ons leef in Jesus Christus se voetspore.

missie:
Ons gee daadwerklik om vir God en sy Woord, vir mekaar en vir die wêreld -
daarom strewe ons daarna om, deur die genade van God, al groeiende, ’n gemeente te wees met 'n geïntegreerde bediening bestaande uit:
- aanbidding
- gemeenskap van gelowiges
- dissipelskap
- diens en
- evangelisering
...waarin elke lidmaat sy/haar funksie vervul met die gawes wat God vrylik gee (1 Korintiërs 12:7).

ons...
- verheerlik God, oral, altyd
- bid getrou, gelowig
- gehoorsaam God spontaan
- leef sigbaar dankbaar
- dien nederig
- maak doelgerig dissipels
- het onvoorwaardelik lief

Ons strewe daarna dat dit ons lewenswyse sal wees en nie net woorde op plakkate nie of geïsoleerde insidente nie.

kontak ons

ons bedieninge

aanbidding

Elke geleentheid waar ons bymekaarkom, wil ons die Here met ons hart, siel, verstand en krag aanbid. Ons geniet 'n verskeidenheid van musiek om deel te wees hiervan.

Aanbidding is vir ons 'n leefstyl en nie net 'n geleentheid nie

Eredienste elke Sondag:
09:00 te Alkmaar
18:00 te Ngodwana
(Ngodwana geen dienste tydens langnaweke en skoolvakansies nie.)

Kategese:
Alkmaar na die oggenddiens.
Ngodwana 17:00

geloofsgemeenskap

Wees deel van ons unieke geloofsgemeenskap waar almal welkom is.

Die gemeente (Alkmaar-gedeelte) bestaan uit 'n boerdery-gemeenskap wes van Nelspruit al langs die N4 en in Schoemanskloof. Ons het ook 'n gedeelte op die Brondal/Sabie-pad (kaart of aktiewe kaart).

Verder het ons die kleiner Ngodwana-gemeenskap ongeveer 50km wes van Nelspruit waar Sappi 'n fabriek en bosboubedrywighede het.

uitreik

Deel van ons visie en missie is om betrokke te wees by die uitbreiding van God se Koninkryk. Na aanleiding van Handelinge 1:8 probeer ons hierdie werk op verskeie plekke ondersteun.

Ons is betrokke in ons eie gemeentegrense, ons provinsie en ons land. Verder ook in Mosambiek en in die "wêreldhoeke." Daar bied ons hulp aan die sendingwerk onder die Kanuri's in Sentraal-Noord Afrika asook by 'n leraar en sy bediening in Indië.

Ons samel fondse in hoofsaaklik deur middel van 'n jaarlikse geloofsofferbelofteprogram.

kuiergeleenthede

'n Paar keer per jaar geniet ons gemeente dit om heerlik saam te kuier en vriendskappe te vorm of versterk. Dan probeer ons sommer ook om ekstra fondse in te samel vir al ons werksaamhede. By sulke geleenthede word die hele Laeveld uitgenooi.

Ons hou ten minste een keer per jaar 'n lekker kerkbasaar. Verder het ons ook mans- en damesoggende en 'n hoogtepunt is ons jaarlikse seevisbraai in Junie.

seevisbraai